"Karvan" Premyer Liqa təcrübəsi olan futbolçusu ilə yollarını ayırıb

Azərbaycan I Liqasında çıxış edən "Karvan" klubu Premyer Liqa təcrübəsi olan futbolçusu ilə yollarını ayırıb.

"Report" klubun mətbuat xidmətinə istinadən xəbər verir ki, müxtəlif vaxtlarda "Şamaxı" və "Sumqayıt"da çıxış etmiş Xəzər Mahmudov Yevlax təmsilçisinin düşərgəsini tərk edib.

Onun müqaviləsinə qarşılıqlı şəkildə xitam verilib.

Qeyd edək ki, "Karvan" turnir cədvəlində lider "Qəbələ"nin ardından 25 xalla ikinci sırada qərarlaşıb.