"Barselona"nın futbolçusu evində döyülərək qarət olunub
https://qelebe.az//uploads/photo/barselonanin-futbolchusu-evinde-doyulerek-qaret-olunub.webp
"Barselona" klubunun futbolçusu Pyer-Emerik Obameyanq İspaniyadakı evində silahlı hücuma məruz qalıb.
"QELEBE.AZ"un məlumatına görə, bu barədə "El Pais" polisdəki mənbələrinə istinadən xəbər yayıb.
Bildirilir ki, ən azı 4 qarətçi 33 yaşlı hücumçunu odlu silahla hədələdikdən sonra döyməyə başlayıblar. Daha sonra onlar qaçaraq, aradan çıxıblar.
Polis araşdırmalara futbolçunun həyat yoldaşının məlumat verməsindən sonra başlayıb.
Qeyd edək ki, Pyer-Emerik Obameyanq "Barselona"ya yanvarda azad agent kimi keçib. O, İspaniya klubunda 24 oyuna 13 qol və 1 məhsuldar ötürmə müəllifi olub.
