İspaniya Superkubokunun finalı: “Real Madrid” “Barselona”ya qalib gəlib

İspaniya Superkubokunun final oyununda “Real Madrid” və “Barselona” komandaları üz-üzə gəlib.

“Report” xəbər verir ki, Ər-Riyaddakı (Səudiyyə Ərəbistanı) “Əl-Əvval Park” stadionunda baş tutan qarşılaşma “Real Madrid”in 4:1 hesablı qələbəsi ilə başa çatıb.

Matçı Xuan Martinez Munueranın rəhbərlik etdiyi hakimlər briqadası idarə edib.

“Real Madrid”in matçdakı üç qolunu braziliyalı Vinisius Junior vurub. O, 32 dəqiqə ərzində het-trik edib. Beləliklə, Vinisius XXI əsrdə “El-Klassiko”da ən sürətli het-trikə imza atıb. Braziliyalı İspaniya Superkuboku uğrunda görüşdə 39-cu dəqiqəyə kimi "Barselona"nın qapısına 3 qol vurub. Bu, İspaniya Superkubokunun final oyununda ən sürətli het-trikdir.

Qarşılaşmanın 64-cü dəqiqəsində Rodriqo “Real”ın 4-cü qolunu vurub: 4:1.

“Barselona” bu qollardan yalnız birinin əvəzini çıxa bilib – 33-cü dəqiqədə Levandovski fərqlənib.