Azərbaycanın basketbol millisi dünya reytinqində geriləyib
https://qelebe.az//uploads/photo/azerbaycanin-basketbol-millisi-dunya-reytinqinde-gerileyib.webp
Kişi basketbolçulardan ibarət Azərbaycan millisi dünya reytinqində beş pillə geriləyib.
"QELEBE.AZ" Beynəlxalq Basketbol Federasiyasının (FIBA) rəsmi saytına istinadən xəbər verir ki, yığma 66,7 xalla 118-ci sırada qərarlaşıb.
Komanda Avropa zonasında 45-cidir.
ABŞ seçməsi 786,6 xalla liderdir. 778,2 xala malik İspaniya ikinci yerdədir. Xallarının sayını 759,7-yə çatdıran son dünya çempionu Almaniya isə üçüncü pilləyə yüksəlib.
Qeyd edək ki, Azərbaycan millisi 2027-ci il Qətərdə keçiriləcək dünya çempionatının ilkin təsnifat mərhələsində İsveçrə, Kosovo və İrlandiya yığmaları ilə birlikdə A qrupunda mübarizə aparacaq.
