Millimiz Rusiyada beynəlxalq təlim-məşq toplanışına qatılıb

Yeniyetmə oğlanlardan ibarət milli komandamızın üzvləri Rusiyanın Xabarovsk şəhərində keçirilən beynəlxalq təlim-məşq toplanışına qatılıb.

Apasport.az xəbər verir ki, bu barədə Azərbaycan Cüdo Federasiyasının mətbuat xidməti məlumat yayıb.

Hazırlıq prosesində 5 cüdoçumuz iştirak edib.

Xatırladaq ki, idmançılarımız daha əvvəl Xabarovskda Vasili Oşepkovun xatirəsinə həsr olunmuş beynəlxalq turnirdə mübarizə aparıb. Təmsilçilərimiz yarışı 1 qızıl və 1 bürünc medalla tamamlayıb.