AVF-in rəsmisi Çempionlar Liqasının "Dördlər Finalı"nda

Azərbaycan Voleybol Federasiyasının (AVF) prezidentinin müşaviri, Avropa Voleybol Konfederasiyasının (CEV) İdarə Heyətinin üzvü Cəlil Cəfərov qadınlar arasında Çempionlar Liqasının "Dördlər Finalı"nda CEV nümayəndəsi kimi iştirak edir.

QELEBE.AZ xəbər verir ki, Cəfərov Türkiyənin İstanbul şəhərində təşkil olunan nüfuzlu turnir zamanı hakimlərin və supervayzerin fəaliyyətini qiymətləndirir, oyunların beynəlxalq standartlara uyğun təşkili və idarə olunmasına nəzarət edir.

Qeyd edək ki, "Dördlər Finalı" Avropanın ən güclü qadın voleybol klublarının mübarizə apardığı mötəbər yarışlardan biridir. Bu il həlledici mərhələdə İtaliyanın "Konelyano" və "Skandiççi", həmçinin Türkiyənin "VakıfBank" və "Eczacıbaşı" komandaları çempionluq uğrunda mübarizə aparırlar.