"Napoli" Kevin De Bruyneni transfer etmək istəyir

İtaliyanın "Napoli" klubunun prezidenti Aurelio De Laurentis "Mançester Siti"dən (İngiltərə) bu yay ayrılacaq Kevin De Bruyneni transfer etmək istədiklərini açıqlayıb.

"Report" "Sky Sports"a istinadən xəbər verir ki, prezident belçikalı yarımmüdafiəçinin İtaliyada villa da aldığını söyləyib.

O, hələ müqavilə imzalanmasa da, məsələnin ciddi olduğunu, hətta futbolçunun ailəsi ilə əlaqə saxladıqlarını vurğulayıb.

“Napoli” bu mövsüm İtaliya A Seriyasının qalibi olub.

Qeyd edək ki, Kevin De Bruyne cari mövsümdə İngiltərə klubunun heyətində bütün turnirlərdə 38 oyun keçirib, 6 qola, 8 məhsuldar ötürməyə imza atıb. Futbolçunun "Mançester Siti" ilə müqaviləsinin müddəti bi ilin yayında bitəcək. "Transfermarkt" onun bazar dəyərini 27 milyon avro qiymətləndirir.