Ronaldu “Əl-Nəsr”lə müqaviləsinin müddətini uzadacaq

“Qızıl top”un beşqat sahibi, portuqaliyalı hücumçu Kriştianu Ronaldu Səudiyyə Ərəbistanının “Əl-Nəsr” klubu ilə müqaviləsinin müddətini uzadacaq.

“Report” xəbər verir ki, bu barədə Portuqaliyanın “A Bola” qəzeti məlumat yayıb.

Mənbənin sözlərinə görə, müqavilənin müddəti 2026-cı ilin iyun ayına qədər nəzərdə tutulub.

Ronaldunun “Əl Nəsr”lə hazırkı müqaviləsinin müddəti 2025-ci ilin iyununda başa çatır.

Futbolçunun 39 yaşı var və 2023-cü ildən “Əl-Nəsr”də çıxış edir. Portuqaliyalı bu mövsüm klubda 20 oyun keçirib, 17 qol vurub və 3 məhsuldar ötürmə edib.