"Yuventus"un futbolçusu komandanı tərk edə bilər

İtaliya təmsilçisi "Yuventus"un yarımmüdafiəçisi Duqlas Luis qış "transfer pəncərəsi"ndə komandanı tərk edə bilər.

"Report" "Sky Sports"a istinadən xəbər verir ki, "qoca sinyora" 26 yaşlı futbolçunu icarəyə verməyi düşünür.

O, "ağ-qaralar"a cari mövsümün əvvəli İngiltərənin "Aston Villa" klubundan keçib. Bu transfer turinlilərə 51,5 milyon avroya başa gəlmişdi.

Qeyd edək ki, braziliyalı oyunçu cari mövsüm "Yuventus"un heyətində 13 oyunda meydana çıxıb və heç nə ilə yadda qalmayıb. Duqlas Luisin komandası ilə olan müqavilə müddəti 2029-cu ildə başa çatacaq.