Çimərlik voleybolu üzrə Azərbaycan çempionatının başlama tarixi bəlli olub
https://qelebe.az//uploads/photo/chimerlik-voleybolu-uzre-azerbaycan-chempionatinin-bashlama-tarixi-belli-olub.webp
Kişi və qadınlar arasında çimərlik voleybolu üzrə Azərbaycan çempionatının başlama tarixi bəlli olub.
Azərbaycan Voleybol Federasiyasının mətbuat xidmətindən "Report"a verilən məlumata görə, turnirlər iyunun 25-28-də təşkil olunacaq.
Yarışlarda iştirak etmək istəyən klublar iyunun 21-dək qeydiyyatdan keçə bilərlər. Hər klub iki komanda ilə turnirə qatıla bilər.
Qeyd edək ki, çempionatın püşkatma mərasimi iyunun 23-də baş tutacaq.
