Belçika millisinin futbolçusu 2024-cü ildə meydana çıxa bilməyəcək
https://qelebe.az//uploads/photo/belchika-millisinin-futbolchusu-2024-cu-ilde-meydana-chixa-bilmeyecek.webp
Belçika millisinin futbolçusu Torqan Azar 2024-cü ildə meydana çıxa bilməyəcək.
“Report” xəbər verir ki, buna səbəb 31 yaşlı yarımmüdafiəçinin zədələnməsidir.
Ölkəsində “Anderlext” klubunun formasını geyinən Azarın “Union”la görüşdə (2:1) sağ diz ön çarpaz bağı cırılıb. Tibbi müayinənin ardından onun 2024-cü ilin sonuna qədər yaşıl meydanlardan uzaq qalacağı müəyyənləşib.
Qeyd edək ki, Torqan Azar bu mövsüm 25 oyunda 4 qol vurub, 6 məhsuldar ötürmə verib. Yarımmüdafiəçinin “Anderlext”lə müqavilə müddəti 2026-cı ilin yayına qədərdir.
