Güc idman növləri üzrə Azərbaycan millisi dünya çempionatında birinci yeri tutub

Güc idman növləri üzrə Azərbaycan millisinin idmançıları Rusiyanın paytaxtı Moskvada keçirilən dünya çempionatında komanda hesabında birinci yeri tutub.

“QELEBE.AZ”un məlumatına görə, WPC/AWPC/WPSO versiyaları üzrə yarışda Azərbaycanı 4 idmançı təmsil edib.

Dünya və Avropa çempionu, Ümummilli Lider Heydər Əliyevin 100 illiyinə həsr olunmuş builki Respublika çempionatının qalibi Tural Orucov (100 kq) 3 fərqli növ üzrə 2 qızıl, 1 bürünc, Camal Əhmədzadə (110 kq) kəmər və qızıl medal qazanıblar. Sadiq Musayev (82 kq) 2 fərqli növdə çıxış edib, birinci və üçüncü yeri tutub.

Qeyd edək ki, dünya çempionatı 8 ölkənin ümumilikdə 400 idmançısı arasında keçirilib.