Stolüstü tennis üzrə ölkə kubokunda komanda yarışları başa çatıb

Stolüstü tennis üzrə Azərbaycan Kubokunda komanda yarışları başa çatıb.

Federasiyadan "QELEBE.AZ"a verilən məlumata görə, “Şüa İdman Kompleksi”ndə keçirilən yarışda kişilərin mübarizəsi Təhsil RİM kollektivinin qələbəsi ilə yekunlaşıb.

MOİK ikinci yeri tutub. “Sərhədçi” və “Sumqayıt” komandaları 3-cü yeri bölüşüblər.

“Sumqayıt” komandası qadınların mübarizəsində bütün rəqiblərini üstələyib. İkinci yeri Təhsil RİM-nin yetirmələri tutublar. 13 saylı UGİM və Sumqayıt (Təhsil RİM) kollektivi üçüncü olub.

Qeyd edək ki, yarışın növbəti günlərində tennisçilər şəxsi, qoşa və qarışıq-qoşa turnirində də qalib və mükafatçıları müəyyənləşdirəcəklər.

Ölkə kubokuna noyabrın 19-da yekun vurulacaq.