Kovaçiç "Mançester Siti"yə keçib

Xorvatiyalı yarımmüdafiəçi Mateo Kovaçiç "Mançester Siti"yə keçib.

"QELEBE.AZ" xəbər verir ki, bu barədə klubun mətbuat xidməti məlumat yayıb.

Futbolçu ilə 2027-ci ilə qədər müqavilə imzalanıb. Müqavilənin dəyərinin 30 milyon avro olduğu bildirilir.

29 yaşlı Kovaçiç beş mövsüm ərzində "Çelsi"nin heyətində 221 oyuna çıxıb, Çempionlar Liqası, Avropa Liqası, FIFA Klublararası Dünya Çempionatı və UEFA Super Kubokunu qazanıb. Bundan əlavə, 2019/2020 mövsümünün nəticələrinə görə, xorvatiyalı London klubunun ən yaxşı oyunçusu seçilib.

Milli komandanın tərkibində Kovaçiç 95 oyun keçirib və Rusiyada keçirilən dünya çempionatında üçüncü yeri tutan komandanın tərkibində olub.

Mateo 2013-cü ildə “İnter”ə gəlib, iki il sonra “Real Madrid”in futbolçusu olub, oradan da “Çelsi”yə keçib.