UEFA "Qarabağ"ın legionerinin vurduğu qolu fərqləndirib

UEFA "Qarabağ"ın futbolçusu Marko Yankoviçin Avropa Liqasının G qrupunun II tur oyununda Fransanın "Nant" komandasına vurduğu qolu fərqləndirib.

"Report"un məlumatına görə, bununla bağlı turnirin sosial şəbəkə hesablarında paylaşım edilib.

Monteneqrolu yarımmüdafiəçinin fərqləndiyi epizodun paylaşıldığı videonun üzərində bu sözlər yazılıb: "Marko Yankoviç tərəfindən güc və dəqiqlik".

Qeyd edək ki, "Qarabağ" Bakıda "Nant"a 3:0 hesabı ilə qalib gəlib. Yankoviç matçda sonuncu qolun müəllifi olub.

Power and precision by Marko Janković

@FKQarabagh | #UEL pic.twitter.com/lkyAISzKTf— UEFA Europa League (@EuropaLeague) September 21, 2022