III Avropa Oyunları: Ruslan Lunyov final mərhələsinə yüksələ bilməyib

Azərbaycan atıcısı Ruslan Lunyov Polşada keçirilən III Avropa Oyunlarındakı ilk çıxışında 11-ci yeri tutub.

“Report”un məlumatına görə, ikiqat Avropa çempionu 10 metr məsafəyə pnevmatik tapançadan atəş açma yarışında final mərhələsinə vəsiqə qazana bilməyib.

577 xal toplayan 34 yaşlı idmançı ilk “8-lik”dən kənarda qalıb.

R.Lunyov iyunun 29-30-da isə 25 metr məsafəyə atəş açmada qüvvəsini sınayacaq.

Qeyd edək ki, bu gün qadınlar arasında 10 metr məsafəyə pnevmatik tapançadan atəş açma yarışında Nigar Nəsirova və Nəzrin Abbaslı çıxış edəcəklər.