"Qəbələ" uğursuz seriyanı qırmağa çalışacaq

"Qəbələ" Azərbaycan Kubokunda uğursuz seriyanı qırmağa çalışacaq.

"QELEBE.AZ"un məlumatına görə, cari mövsüm turnirdə uduzmayan "qırmızı-qaralar" bunadək 5 dəfə yarışı məğlubiyyətsiz (əsas vaxtda) bitirib.

Bölgə təmsilçisi 2011/2012, 2012/2013, 2013/2014, 2015/2016 və 2019/2020 mövsümlərində ölkə kubokunda uduzmayıb, amma həmin illərin heç birində mükafat qazanılmayıb.

Qeyd edək ki, iyunun 3-də Azərbaycan Kubokunun finalında "Qəbələ" və "Neftçi" komandaları üz-üzə gələcəklər.