"Çelsi"nin müdafiəçisi A Seriyası klubunda - RƏSMİ

“Komo” “Çelsi”nin müdafiəçisi Trevo Çalobanın transferini rəsmən açıqlayıb.

Apasport.az xəbər verir ki, 27 yaşlı futbolçu ilə 2031-ci ilin yayına qədər müqavilə imzalanıb.

Bu barədə klubun mətbuat xidməti məlumat yayıb.

Razılaşmaya əsasən, A Seriyası təmsilçisi bu keçid üçün qarşı tərəfə 30 milyon avro ödəyib.

Qeyd edək ki, İngiltərə millisinin üzvü olan Çaloba ötən mövsüm “zadəganlar”ın heyətində bütün turnirlərdə 47 oyuna çıxıb və 3 qol vurub. O, karyerası ərzində icarə əsasında “İpsviç Taun”, “Haddersfild Taun”, “Loryan” və “Kristal Pelas”ın da formasını geyinib.