Vitinyadan Modriçə mesaj: “Ümid edirəm, onun üçün kədərli gün olacaq”

Portuqaliya millisinin yarımmüdafiəçisi Vitinya DÇ-2026-nın 1/16 finalında Xorvatiyaya qarşı keçirəcəkləri oyundan öncə açıqlama verib.

QELEBE.AZ xəbər verir ki, PSJ-nin futbolçusu rəqib komandanın kapitanı Luka Modriç barədə danışıb.

26 yaşlı oyunçu xorvatiyalı yarımmüdafiəçinin onun üçün örnək olduğunu bildirib. Bununla belə, Vitinya komanda hədəflərini şəxsi simpatiyadan üstün tutduğunu vurğulayıb:

“Modriç mənim üçün kumirdir. Ona qarşı oynamışam və formamı onunla dəyişmişəm. Amma ona bənzəyib-bənzəmədiyim barədə danışmağı sevmirəm. Ümid edirəm, sabah onun üçün daha kədərli gün olacaq”.

Qeyd edək ki, Vitinya DÇ-2026-da Portuqaliya millisinin bütün oyunlarında iştirak edib. Portuqaliya K qrupunu ikinci pillədə başa vurub və 1/16 finalda L qrupunun ikincisi Xorvatiya ilə qarşılaşacaq.