Dünya çempionatında uğur qazanmış FHN əməkdaşları ilə görüş keçirilib

Bakı şəhərində yerləşən “Jolly Joker Bakı”da Beynəlxalq Qol Güləşi Federasiyasının (IFA) dəstəyi, Azərbaycan Gənclər və İdman Nazirliyinin təşkilatçılığı ilə yeniyetmələr, gənclər, böyüklər, master və qrand master kateqoriyalarında qol güləşi üzrə dünya çempionatı keçirilib.

Fövqəladə Hallar Nazirliyindən APA-ya verilən xəbərə görə, çempionatda dünyanın 30 müxtəlif ölkəsindən 400-dən çox idmançı mübarizə apararaq öz qüvvəsini sınayıb.

Yarışda iştirak edən FHN-in Sumqayıt Regional Mərkəzinin əməkdaşı mayor Rəşad Hacıyev +105 kq çəki dərəcəsində master kateqoriyasında 10 idmançı arasında sağ qol ilə mübarizə apararaq çempionatın bürünc medalına layiq görülüb. Qalibə medal və çempionatın sertifikatı təqdim edilib.

Noyabrın 5-də FHN-in İdman-sağlamlıq klubunun rəisi polkovnik Füzuli Musayev nailiyyət qazanmış əməkdaşla görüşərək təbrik edib, gələcək yarışlarda uğurlar arzılayıb.