Azərbaycan millisinin futbolçusu: "Litvanı üstələyərək qrup lideri kimi növbəti mərhələyə vəsiqə qazanacağımıza ümid edirəm"

Ümid edirəm ki, son matçda Litvanı məğlub edərək qrup lideri kimi növbəti mərhələyə vəsiqə qazanacağıq.

Bunu "Report"a açıqlamasında Azərbaycan millisinin futbolçusu Manə Mollayeva deyib.

27 yaşlı oyunçu Monteneqroya qarşı keçirdikləri UEFA Millətlər Liqasının qrup mərhələsinin oyunu (1:1) ilə bağlı fikirlərini bölüşüb:

"Nəticəyə təsir edən əsas amillərdən biri bizim iki oyun keçirməyimiz oldu. Rəqiblə müqayisədə daha yorğun idik və hər iki qarşılaşmanı səfərdə keçirdik. Monteneqro isə bu dönəmdə bir oyuna çıxdı. O da öz evində bizə qarşı".

Görüşdə hesabı açan M.Mollayeva qələbəni əldən verdikləri üçün məyus olduqlarını vurğulayıb:

"Hər şey son tura qaldı. Ümid edirəm ki, son matçda Litvanı məğlub edərək qrup lideri kimi növbəti mərhələyə vəsiqə qazanacağıq".