"Abşeron" yenə qalib gəldi

Bu gün qadın voleybolçular arasında Yüksək Liqada XVII turun oyunları keçirilib.

QELEBE.AZ xəbər verir ki, bütün qarşılaşmalar eyni gündə baş tutub.

Çempionatın lideri “Abşeron” autsayder UNEC-in qonağı olub. Görüş qonaqların asan qələbəsi ilə başa çatıb. Tələblər bu görüşdə cəmi 29 xal qazana biliblər.

“Murov Az Terminal” “Azərreyl”lə üz-üzə gəlib. "Dəmiryolçular" 3:1 hesabı ilə üstün olublar.

Tura “Milli Aviasiya Akademiyası” - “Gəncə” matçı ilə yekun vurulub. Çempionluq uğrunda yarışan meydan sahibləri gözlənilmədən uduzublar. 2:3 hesabı ilə uduzan komanda liderdən 4 xal geri düşüb.

Yüksək Liqa (qadınlar)
XVII tur
27 mart
16:00. UNEC - “Abşeron” - 0:3 (8:25, 11:25, 10:25)
UNEC VK-nın idman zalı

16:00. “Murov Az Terminal” - “Azərreyl” - 1:3 (23:25, 26:28, 25:11, 15:25)
GİN-in Voleybol Mərkəzi

18:00. “Milli Aviasiya Akademiyası” - “Gəncə” - 2:3 (24:26, 25:16, 16:25, 27:25, 15:17)
GİN-in Voleybol Mərkəzi