Avropa Liqası: "Beşiktaş" İspaniya klubunu qəbul edəcək

Türkiyənin "Beşiktaş" klubu bu gün UEFA Avropa Liqasında növbəti oyununu keçirəcək.

"Report"un məlumatına görə, Ule Qunnar Solskyaerin baş məşqçisi olduğu kollektiv İspaniyanın "Atletik" (Bilbao) komandasını qəbul edəcək.

Liqa mərhələsinin VII turunun qarşılaşması Bakı vaxtı ilə saat 19:30-da start götürəcək. Meydan sahibləri 6 xalla 28-ci, qonaqlar 16 xalla 2-ci pillədə qərarlaşıb.

Qeyd edək ki, açılış matçında "Qalatasaray" Ukraynanın "Dinamo" (Kiyev) klubu ilə heç-heçə edib - 3:3. VII turun digər matçları yanvarın 23-də baş tutacaq.