"İnter" 20 yaşlı hücumçunu heyətinə qatmağı düşünür

İtaliya çempionu "İnter" 20 yaşlı hücumçu Santyaqo Kastronu heyətinə qatmağı düşünür.

"QELEBE.AZ" xarici KİV-ə istinadən xəbər verir ki, Milan təmsilçisi "Boloniya"da çıxış edən argentinalı futbolçunu yaxından izləyir.

"İnter" qarşı tərəfə rəsmi təklif göndərəcəyi təqdirdə, transfer üçün 25 milyon avrosundan keçməli olacaq. Futbolçunun hazırkı klubu ilə müqaviləsinin müddəti 2028-ci ildə başa çatacaq.

Qeyd edək ki, Santyaqo Kastro cari mövsüm "Boloniya"nın heyətində 22 oyunda 5 qol vurub.