"The Best": FIFA ötən ilin ən yaxşı oyunçusu adına namizədləri açıqlayıb

FIFA 2022-ci ilin ən yaxşı oyunçusu adına namizədlərin adlarını açıqlayıb.

"QELEBE.AZ" qurumun rəsmi saytına istinadən xəbər verir ki, siyahıda 14 futbolçu yer alıb.

Bunların 4-ü Fransa PSJ-sinə, hərəyə 3-ü İngiltərənin "Mançester Siti" və İspaniyanın "Real Madrid" klublarına məxsusdur.

Ötən ilin ən yaxşı oyunçusu adına namizədlər: Lionel Messi, Kilian Mbappe, Neymar, Əşrəf Hakimi (hamısı PSJ), Xulian Alvares, Kevin de Bröyne, Erlinq Holann (hamısı "Mançester Siti"), Kərim Benzema, Luka Modriç, Vinisius Junior (hamısı "Real Madrid"), Cud Bellingem ("Borussiya" Dortmund, Almaniya), Robert Levandovski ("Barselona", İspaniya), Sadio Mane ("Bavariya", Almaniya), Məhəmməd Salah ("Liverpul", İngiltərə)

Qeyd edək ki, "The Best" mükafatı 2023-cü il fevralın 27-də təqdim ediləcək. 2021-ci ildə bu ada Polşa millisinin hücumçusu Robert Levandovski layiq görülüb.