Azərbaycanlı Paralimpiya çempionu dünyanın ən yaxşı parataekvondoçusu seçilib
https://qelebe.az//uploads/photo/azerbaycanli-paralimpiya-chempionu-dunyanin-en-yaxshi-parataekvondochusu-sechilib.webp
Azərbaycanlı Paralimpiya çempionu İmaməddin Xəlilov Dünya Taekvondo Federasiyası tərəfindən 2024-cü ilin ən yaxşı kişi parataekvondoçusu adına layiq görülüb.
"QELEBE.AZ" xəbər verir ki, bu il ərzində iştirak etdiyi bütün turnirlərdə qızıl medal qazanan idmançı Paralimpiya, dünya və Avropa çempionu titullarına yiyələnib.
O, həmçinin dünya reytinqinin hazırkı lideridir. Parataekvondoçuya mükafat Honkonqda keçirilən qala gecədə təqdim olunub.
Qeyd edək ki, İ.Xəlilov bu ada Dünya Taekvondo Federasiyasının Texniki Komissiyasının yekdil rəyi əsasında layiq görülüb.
