"Mançester Siti" Premyer Liqanın yeni mövsümünün ilk matçında "Çelsi"yə qalib gəlib

İngiltərə Premyer Liqasının ilk turunda "Mançester Siti" Londonun "Çelsi" klubunu məğlub edib.

"Report" xəbər verir ki, oyun Londondakı Stamford Bricdə baş tutub.

Görüşdə "Mançester Siti" 2:0 hesabı ilə qalib gəlib. 18-ci dəqiqədə "Mançester Siti" hesabı açıb: Bernardo Silvanın ötürməsindən hücumçu Erlinq Haaland fərqlənib. 84-cü dəqiqədə Mateo Kovaçiç fərqlənib.

Növbəti turda "Mançester Siti" öz meydanında "İpsviç Taun"la qarşılaşacaq. "Çelsi" isə səfərdə "Vulverhempton"la üz-üzə gələcək.