"Barselona"nın sabiq futbolçusu Braziliya klubu ilə anlaşıb

İspaniyanın "Barselona" klubunun sabiq futbolçusu Martin Braytveyt Braziliya təmsilçisi "Qremio"ya keçib.

"Report" xəbər verir ki, bu barədə Cənubi Amerika klubunun mətbuat xidməti məlumat yayıb.

Forvard tibbi müayinədən keçmək üçün Porto Aleqre şəhərinə yollanacaq və daha sonra ictimaiyyətə təqdim olunacaq.

Qeyd edək ki, 2022-ci ildə "Barselona"dan digər La Liqa klubu "Espanyol"a keçən 33 yaşlı danimarkalı bu komandanın heyətində meydana çıxdığı 70 oyunda 32 qola imza atıb.