Luçano Spaletti: İspanlar daha sürətli hücumlar qurmağı bacarırlar

İspanlar daha sürətli hücumlar qurmağı bacarırlar.

"QELEBE.AZ" xəbər verir ki, bunu İtaliya millisinin baş məşqçisi Luçano Spaletti İspaniya ilə keçirilən AVRO-2024-ün qrup mərhələsinin II turunun oyunundan sonra mətbuat konfransında deyib.

65 yaşlı mütəxəssis məyus olmadığını bildirib: "Oyuna görə məyus deyiləm. Görüşdən əvvəl məlum idi ki, ispanlar bizdən daha kəskin oyun nümayiş etdirəcəklər. Onlar daha sürətli hücumlar qurmağı bacarırlar. Matç zamanı daha tez qərar qəbul edib, lazımı anda lazımı qərar qəbul edirdilər. Bu bir az da psixoloji məsələdir. Növbəti matçda qalib gəlməyə çalışacağıq".

Qeyd edək ki, Almaniyada təşkil olunan AVRO-2024-ün B qrupunun matçında İspaniya İtaliya yığmasına qalib gəlib - 1:0.