Kamavinqa bütün karyerasını "Real"da keçirmək istəyir

İspaniyanın "Real" klubunun yarımmüdafiəçisi Eduardo Kamavinqa karyerasını bütünlüklə Madrid klubunda keçirməyə hazır olduğunu bildirib.

"Report" "El Espanol"a istinadən xəbər verir ki, 21 yaşlı fransalı futbolçu ömrünün sonuna qədər özünü məhz Madrid təmsilçisində gördüyünü deyib.

Qeyd edək ki, 2021-ci ildə Fransanın "Renn" klubundan transfer olunan E.Kamavinqa "Real"ın heyətində meydana çıxdığı 144 oyunda 2 qol, 8 məhsuldar ötürmə ilə yadda qalıb.