Sumqayıtda fudokan karate-do üzrə açıq turnir keçirilib

Sumqayıt Olimpiya İdman Kompleksində uşaq, yeniyetmə və gənclər arasında fudokan karate-do üzrə açıq turnir keçirilib.

"QELEBE.AZ" xəbər verir ki, federasiyanın Sumqayıt nümayəndəliyinin təşəbbüsü ilə baş tutan yarış Zəfər Gününə həsr edilib.

Turnir Abşeron-Xızı Regional Gənclər və İdman İdarəsi və Azərbaycan Karate Federasiyasının birgə təşkilatçılığı ilə reallaşıb. Açılış mərasimi Dövlət Himninin səsləndirilməsi ilə başlayan turnirdə şəhidlərin xatirəsi bir dəqiqəlik sükutla yad edilib.

Tədbridə çıxış edən Azərbaycan Karate Federasiyasının baş katibi Qabil Sayadov, Ənənəvi Karate-do Federasiyasının prezidenti Əhməd Əfəndi, Dünya Fudokan Federasiyasının Azərbaycanda rəsmi və səlahiyyətli nümayəndəsi Vüsal Abdullazadə, Baş Prokurorluğun xüsusi müsadirələr prokuroru və təşkilatın fəxri prezidenti Məmməd Əliyev, "Gənc Qazilər" İctimai Birliyinin sədri Hacı Vəliyev turnirin əhəmiyyətindən danışıb, yarış haqqında məlumat verib, idmançılara uğurlar arzulayıblar.

Bakı, Sumqayıt şəhərləri, həmçinin Abşeron, Biləsuvar, Qubadlı, Cəlilabad, Ağstafa və digər rayonlardan mübarizəyə 200-ə yaxın fudokançı qatılıb. Qaliblərə fəxri fərman, diplom və Zəfər Gününə təsis olunan xüsusi medallar təqdim edilib.