"Barselona" 18 yaşlı braziliyalı hücumçunu transfer edib

İspaniyanın "Barselona" klubu heyətini yeni futbolçu ilə gücləndirib.

"QELEBE.AZ" Kataloniya təmsilçisinin mətbuat xidmətinə istinadən xəbər verir ki, Braziliyanın "Atletiko Paranaense" komandasından Vitor Roke transfer olunub.

Onun müqaviləsinin müddəti 2027-ci ilin yayınadək nəzərdə tutulub. 18 yaşlı hücumçu 2023/2024 mövsümündə icarə əsasında hazırkı klubunda çıxış edəcək.

Qeyd edək ki, gənc forvard bir dəfə Braziliya millisinin də formasını geyinib.