"Qarabağ"dan Britaniya səfirinin üzvlük təklifinə cavab: "Gəlin, müqavilə şərtlərini razılaşdıraq"

"Qarabag" Futbol Klubu Britaniyanın ölkəmizdəki səfiri Fergus Auldun və səfirliyin əməkdaşlarının komandaya üzv kimi qəbul edilməsi təklifinə zarafatla cavab verib.

"QELEBE.AZ" xəbər verir ki, "Qarabağ" bu barədə tviter hesabında paylaşım edib: "Böyük məmnuniyyətlə! Qapılarımız üzünüzə açıqdır. İstədiyiniz zaman gəlin, müqavilə şərtlərini razılaşdıraq. Bizim üçün şərəf olar".

Qeyd edək ki, daha əvvəl Fergus Auld tviterdəki hesabında səfirliyin əməkdaşlarının futbol oyununun fotolarını paylaşıb. "Bu gün səfirliyin əməkdaşları ilə futbol oynadıq. Həm işdən ayrılan əməkadaşlarımız ilə sağollaşdıq, həm də həyatımıza idman qatdıq.
"Qarabag" Futbol Klubu, bizi üzv kimi qəbul edərsiniz?", - səfir kluba xitabən yazıb.