Azərbaycanın U-20 millisi 2 yoldaşlıq oyunu keçirəcək

Qəbələdə təlim-məşq toplanışında olan 20 yaşadək futbolçulardan ibarət Azərbaycan seçməsi hazırlığın ikinci mərhələsində İraq komandası ilə 2 yoldaşlıq matçı keçirəcək.

Apasport.az xəbər verir ki, bunu AFFA-nın mətbuat xidməti açıqlayıb.

İlk görüş noyabrın 17-də Sumqayıtda yerləşən "SOCAR Polymer Arena"da saat 19:00-da başlanacaq. Komandalar arasında ikinci oyun noyabrın 20-də Tofiq Bəhramov adına Respublika Stadionunda təşkil olunacaq. Bu qarşılaşma isə saat 16:00-da start götürəcək.

Qeyd edək ki, noyabrın 9-dan Qəbələdə təlim-məşq toplanışında olan U-20 millisi hazırlığın ikinci mərhələsinə noyabrın 16-dan etibarən Bakıda davam edəcək.