Azərbaycan Premyer Liqası: VI tur Qərb derbisi ilə başlayır

Bu gün futbol üzrə Azərbaycan Premyer Liqasında VI tura start veriləcək.

"Report"un məlumatına görə, açılış oyununda "Turan Tovuz" evdə "Kəpəz"lə qarşılaşacaq. Tovuz şəhər stadionunda keçiləcək görüş saat 16:30-da başlayacaq.

Qərb derbisini Vüqar Həsənli idarə edəcək.

Hazırda Tovuz təmsilçisi 7 xalla 5-ci pillədə qərarlaşıb. Xalı olmayan Gəncə klubu isə sonuncudur.

Azərbaycan Premyer Liqası

VI tur

9 sentyabr (cümə)

16:30. “Turan Tovuz” – “Kəpəz”
Hakimlər: Vüqar Həsənli, Rəhman İmami, Eyyub İbrahimov, Rövşən Rəcəbov
VAR: Elçin Məsiyev
AVAR: Vüsal Məmmədov
Hakim-inspektor: Munis Abdullayev
Tovuz şəhər stadionu.

Qeyd edək ki, turun digər 4 matçı şənbə və bazar günləri oynanılacaq. Sentyabrın 10-da "Qəbələ" - "Neftçi" və "Səbail" - "Zirə", 1 gün sonra isə "Sumqayıt" - "Şamaxı" və "Qarabağ" - "Sabah" oyunları baş tutacaq.