“Qəbələ” Çexiya klubuna uduzub

Türkiyədə təlim-məşq toplanışında olan “Qəbələ” son yoxlama görüşündə uduzub.

“QELEBE.AZ”un məlumatına görə, Premyer Liqa təmsilçisi Çexiya klubu ilə qarşılaşıb.

Oyun rəqib komandanın 2:1 hesablı qələbəsi ilə yekunlaşıb. “Qəbələ”nin heyətində yeganə qolu 13-cü dəqiqədə Ramon Maçado vurub.

Qeyd edək ki, “Qəbələ” bununla Türkiyə toplanışını başa vurub. Elmar Baxşıyevin yetirmələri sabah Vətənə qayıdacaqlar. “Qırmızı-qaralar” Antalya toplanışı çərçivəsində “Sepsi” (Rumıniya) ilə heç-heçə (2:2) edib, “Lukenvalde”yə (Almaniya) qalib (3:2) gəlib.