"Kayrat" tarixində ilk dəfə Çempionlar Liqasının ümumi mərhələsinə vəsiqə qazanıb
https://qelebe.az//uploads/photo/kayrat-tarixinde-ilk-defe-chempionlar-liqasinin-umumi-merhelesine-vesiqe-qazanib.webp
Qazaxıstanın "Kayrat" klubu tarixində ilk dəfə UEFA Çempionlar Liqasının Liqa mərhələsinə vəsiqə qazanıb.
"" xəbər verir ki, Almatı təmsilçisi pley-off mərhələsində "Seltik"i (Şotlandiya) üstələməklə bu uğura imza atıb.
Qlazqoda keçirilən ilk görüşdə qolsuz heç-heçə qeydə alınıb. Cavab matçının əsas və əlavə vaxtında da hesab açılmadığından qalibi müəyyən etmək üçün penaltilar seriyasına ehtiyac duyulub.
Burada daha dəqiq oynayan "Kayrat" (3:2) qitənin ən nüfuzlu klub turnirinin əsas mərhələsinə yüksəlib.
Qeyd edək ki, daha əvvəl Qazaxıstan klublarından turnirin pley-offunu keçmək yalnız 2015/2016 mövsümündə "Astana"ya müyəssər olmuşdu.
