Azərbaycan gimnastları Portuqaliyada keçirilən yarışda uğurla çıxış ediblər

Portuqaliyanın paytaxtı Lissabonda keçirilən “5th World Gym for Life Challenge”ində Azərbaycan gimnastları uğurla çıxış ediblər.

"Report" xəbər verir ki, 33 ölkədən 3700-dən çox gimnastın mübarizə apardığı turnirdə təmsilçilərimiz ikinci yerə layiq görülüblər.

Azərbaycanı bu yarışda "Gimnastika hamı üçün" növü üzrə təmsil edən “Flame” komandası kreativ xoreoqrafiyası, səhnə estetikası və yüksək komanda ruhu ilə münsiflərin diqqətini cəlb edib.