Tennis üzrə Bakı çempionatının qalibləri bəlli olub

Tennis üzrə Bakı çempionatının qalibləri bəlli olub.

"Report"un məlumatına görə, Azərbaycan Tennis Federasiyasının təşkilatçılığı ilə Bakı Tennis Akademiyasında baş tutan yarışda 12 yaşdan yuxarı 29 idmançı mükafatlar uğrunda mübarizə aparıb.

Müxtəlif yaş kateqoriyalarında keçirilən turnirdə 15 oğlan və 14 qız tək və qoşa yarışlarda qüvvəsini sınayıb.

Oğlanlardan Samir Qafarov, İmran Abdulla, Vasif Mütəllibov, Zaur Məmmədzadə, Ziya Ələkbərov, Asim Cəlilov, Yusif Rzayev, qızlardan isə Umayra Həşimova, Lalə Eyvazova, Reyhan Məmmədli, Lalə Kərimova, Zeynəb Hüseynzadə, Xədicə Cəfərquluzadə, Nurel Əliyeva mükafatçılar sırasına düşüb.

Yekunda qalib və mükafatçılar Azərbaycan Tennis Federasiyası tərəfindən medal və diplomlarla təltif olunublar.