“Real Madrid” Klublararası Dünya Çempionatının iki ildən bir keçirilməsini təklif edib

İspaniyanın “Real Madrid” klubu Klublararası Dünya Çempionatının hər iki ildən bir keçirilməsini təklif edib.

APA xəbər verir ki, bu barədə Britaniyanın "The Guardian" qəzeti FIFA-dakı mənbələrə istinadən məlumat yayıb.

Qəzetin yazdığına görə, "Real" rəhbərliyi FIFA ilə apardığı danışıqlar zamanı bu ideyanı gündəmə gətirib. Klubun arqumentinə əsasən, ötən turnirdə satılan bütün biletlərin 25 faizi məhz “Real” azarkeşləri tərəfindən alınıb. Bu da turnirin iqtisadi potensialının artırılması baxımından önəmli amil kimi dəyərləndirilir.

Bununla belə, FIFA hələlik çempionatın daha tez-tez keçirilməsi ideyasını gündəmə gətirməyi planlaşdırmır. Hazırda turnirin hər 4 ildən bir təşkili nəzərdə tutulur.