Fransa 56 ildən sonra ilk dəfə 5 qol buraxıb

Millətlər Liqasının yarımfinal mərhələsində İspaniya Fransanı məğlub edib - 5:4. 

Apasport.az "Opta"ya istinadla xəbər verir ki, Fransa millisi 1969-cu ilin martından bəri ilk dəfədir ki, bir oyunda 5 və ya daha çox qol buraxır.

56 il əvvəl bu, İngiltərə ilə matçda (0:5) baş verib.

Qeyd edək ki, Millətlər Liqasının finalında İspaniya millisi Portuqaliya yığması ilə qarşılaşacaq. Həlledici qarşılaşma iyunun 8-də baş tutacaq.