Azərbaycan millisinin baş məşqçisi: "Dünya çempionu olmaq istəyiriksə, bütün görüşləri qalib başa vurmalıyıq"

Azərbaycanın minifutbol millisinin baş məşqçisi Elşad Quliyev Rumıniya üzərində qələbə qazanaraq dünya çempionatında 1/4 finala yüksəldikləri oyunu şərh edib.

“Report” xəbər verir ki, mütəxəssis komandaya oyunlar zamanı dəstək olanlara təşəkkürünü bildirib.

O, futbolçuların yaxşı oyun göstərdiklərini vurğulayıb:

"Bu matça erkən final adını vermək olardı. Həqiqətən bizim üçün asan olmadı. Qarşıdakı qarşılaşmalar da çətin keçəcək. Əgər dünya çempionu olmaq istəyiriksə, bütün görüşləri qalib başa vurmalıyıq".