Braziliya Futbol Konfederasiyası Zinəddin Zidan üçün təklif hazırlayır
https://qelebe.az//uploads/photo/braziliya-futbol-konfederasiyasi-zineddin-zidan-uchun-teklif-hazirlayir.webp
İspaniyanın "Real Madrid" komandasının sabiq baş məşqçisi Zinəddin Zidan Braziliya millisinin sükanı arxasına keçə bilər.
"QELEBE.AZ" "Ok Diario" nəşrinə istinadən xəbər verir ki, Braziliya Futbol Konfederasiyası 50 yaşlı mütəxəssis üçün təklif hazırlayır.
Fransalı baş məşqçidən başqa Karlo Ançelotti, Abel Ferreyra, Fernando Diniz və Dorival Junior da namizədlər siyahısındadır.
Qeyd edək ki, Zinəddin Zidan 2016 - 2018 və 2019 - 2021-ci illərdə "Real Madrid"də işləyib. 2018-ci ilin mayından 2019-cu ilin martına kimi Santyaqo Solari Madrid təmsilçisinin sükanı arxasında olub.
"Kral klubu" Zidanın rəhbərliyi altında iki dəfə La Liqanı, üç dəfə UEFA Çempionlar Liqasını, iki dəfə klublararası dünya çempionatını və eyni sayda UEFA Super Kubokunu qazanıb.
