Tokio olimpiadasının qalibi yarışlardan 21 ay müddətinə kənarlaşdırılacaq
https://qelebe.az//uploads/photo/tokio-olimpiadasinin-qalibi-yarishlardan-21-ay-muddetine-kenarlashdirilacaq.webp
Tokio-2020 Yay Olimpiya Oyunlarında 400 metr məsafəyə sərbəst üsulla üzmək üzrə qızıl medal qazanan tunisli Əhməd Hafnaui 21 ay müddətinə yarışlardan kənarlaşdırılacaq.
"QELEBE.AZ" xəbər verir ki, bu barədə "Reuters" məlumat yayıb.
Diskvalifikasiyanın əsas səbəbi onun olduğu yer haqqında məlumatın verilməsi qaydasını pozmasıdır. Üzgüçü 12 ay ərzində üç dəfə bu qaydanı pozub.
Hafnauinin diskvalifikasiyası 2026-cı il yanvarın 10-dək davam edəcək. O da məlum olub ki, tunislinin 2024-cü il aprelin 11-dən bəri göstərdiyi bütün nəticələr ləğv olunacaq.
Qeyd edək ki, Əhməd Hafnaui həmçinin 2023-cü ildə keçirilmiş dünya çempionatında (800 və 1500 metr məsafəyə sərbəst üsulla üzmək) iki qızıl medal qazanıb.
