Nazim Sadıqov: "UFC-də nokautlarla müqaviləmin müddətini uzadacağam"
https://qelebe.az//uploads/photo/nazim-sadiqov-ufc-de-nokautlarla-muqavilemin-muddetini-uzadacagam.webp
"Ümid edirəm ki, UFC-dəki 4 görüşümdə də parlaq qələbə qazanaraq müqaviləmin müddətini uzadacağam".
"QELEBE.AZ"un xəbərinə görə, bunu UFC-də (Mütləq Döyüş Çempionatı) Azərbaycanı təmsil edəcək MMA idmançısı Nazim Sadıqov Bakı Dayaq Mərkəzində "Xaricdə yaşayan idmançılarla görüş" layihəsi üzrə keçirilən tədbirdə deyib.
Sadıqov UFC-yə gedən yoldan danışıb: "Azərbaycancam yaxşı olmadığı üçün ingiliscə danışmalı olacağam. Valideynlərim Bakıda yaşayıb. Mən isə Rusiyanın paytaxtı Moskvada doğulmuşam. 6 yaşımdan ABŞ-da oluram, orada məktəbə getmişəm".
İdmançı keçirdiyi döyüşlərindən də danışıb: "Avqustun 16-da "UFC Contemder Series"dəki döyüşümdə qalib gəldim. UFC prezidenti Deyna Uayt nokautlara, parlaq qələbələrə üstünlük verir. Mən də o döyüşdə nokautla qalib gəldim. Ümid edirəm ki, UFC-dəki 4 görüşümdə də parlaq qələbə qazanaraq müqavilə müddətini uzadacağam. Dekabrda UFC-də ilk döyüşümün olacağı gözlənilir".
