"Real Madrid" 30-cu turda "Valensiya"ya uduzub, Vinisius penaltidən fərqlənə bilməyib

İspaniya La Liqasının 30-cu turunun "Real Madrid" - "Valensiya" matçı başa çatıb.

"QELEBE.AZ" xəbər verir ki, oyun İspaniyanın Madrid şəhərindəki "Santyaqo Bernabeu" stadionunda baş tutub.

Matç "Valensiya"nın 2:1 hesablı qələbəsi ilə yekunlaşıb.

Braziliyalı hücumçu Vinisius Junior penalti zərbəsini yerinə yetirə bilməyib. 15-ci dəqiqədə "Valensiya"nın müdafiəçisi Muktar Diaxabi komandasını hesabda irəli çıxarıb. 50-ci dəqiqədə Vinisius hesabda bərabərliyi bərpa edib. 90+5-ci dəqiqədə hücumçu Uqo Duro “Valensiya”nı önə keçirib – 2:1.

30 matçdan sonra "Real Madrid" 63 xalla turnir cədvəlinin ikinci pilləsində qərarlaşıb. "Valensiya" isə 15-ci yerdədir. "Yarasalar"ın 34 xalı var. Birinci yerdə isə “Barselona” (66) qərarlaşıb.