"Mançester Yunayted" "Kristal Pelas"ın futbolçusunu transfer etmək istəyir

İngiltərənin "Mançester Yunayted" klubu Premyer Liqanın digər təmsilçisi "Kristal Pelas"dan Jan-Filipp Matetanı transfer etmək istəyir.

“Report”un “L'Equipe”ə istinadən məlumatına görə, Mançeter təmsilçisi fransalı hücumçu üçün qarşı tərəflə danışıqlara başlayıb.

“Kristal Pelas”ın 40 milyon funt-sterlinq müqabilində 27 yaşlı futbolçunun gedişinə razılıq verəcəyi bildirilib.

Qeyd edək ki, J-F.Mateta 2022-ci ildən “Kristal Pelas”ın formasını geyinir.