"Kəpəz"in baş məşqçisi: "Neftçi" ilə oyunda şans tərəfimizdə deyildi"

Şans tərəfimizdə deyildi.

"Report" xəbər verir ki, bunu "Kəpəz"in baş məşqçisi Azər Bağırov Azərbaycan Kubokunun 1/4 final mərhələsində "Neftçi"yə qarşı ilk oyundan sonra baş tutan mətbuat konfransında deyib.

O, məğlubiyyətə görə üzgün olduqlarını bildirib:

"Maraqlı oyun oldu. Yeni futbolçularımızı meydanda görmək üçün şans əldə etdik. Məncə, pis təsir bağışlamadılar. Oyun ərzində qol epizodları yaradırıq və bunlardan maksimum istifadə etməyi bacarmalıyıq. Amma reallaşdırmaqda problemlərimiz var. Hər hissədə 3-4 qol vəziyyətlərimiz oldu. Şans tərəfimizdə deyildi. Xeyirlisi nədirsə, o da olsun. İrəli baxmaq lazımdır".

Qeyd edək ki, Azərbaycan Kubokunun 1/4 final mərhələsinin ilk oyununda "Neftçi" səfərdə "Kəpəz"ə 2:0 hesabı ilə qalib gəlib.