"Real" Özbəkistan millisinin üzvünü transfer edə bilər
https://qelebe.az//uploads/photo/real-ozbekistan-millisinin-uzvunu-transfer-ede-biler.webp
Fransanın "Lens" klubunun və Özbəkistan millisinin üzvü Abdukodir Xusanov İspaniya təmsilçisi "Real"ın (Madrid) diqqət mərkəzinə düşüb.
"Report" "Foot Mercato"ya istinadən xəbər verir ki, 19 yaşlı oyunçunu transfer etmək üçün "Kral klubu" da öz namizədliyini irəli sürəcək.
Daha əvvəl İngiltərə nəhəngi "Mançester Siti" də müdafiəçini sıralarına qatmağı planlaşdırıb. Bundan başqa, Almaniyanın "Bayer 04" və "Borussiya" (Dortmund) kollektivləri də gənc futbolçunun xidmətində maraqlı olub.
Qeyd edək ki, A.Xusanov Özbəkistan yığmasının heyətində 18 qarşılaşmada meydana çıxıb. "Transfermarkt" portalı onun dəyərini 12 milyon avro qiymətləndirir.
