"Formula 1" üzrə Azərbaycan Qran-prisinin vaxtı açıqlanıb
https://qelebe.az//uploads/photo/formula-1-uzre-azerbaycan-qran-prisinin-vaxti-achiqlanib.webp
"Formula 1" üzrə 2025-ci ildə keçiriləcək Azərbaycan Qran-prisinin vaxtı açıqlanıb.
"Report" yarışın mətbuat xidmətinə istinadən xəbər verir ki, yeni mövsüm 24 raunddan ibarət olacaq.
Martın 14-16-sı aralığında Avstraliya Qran-prisi ilə start götürəcək mövsüm, 5-7 dekabrda Birləşmiş Ərəb Əmirliklərinin paytaxtı Əbu-Dabidə yekunlaşacaq.
Yeni mövsümün yarışları 5 qitədə baş tutacaq. 2025-ci ildə altı sprint keçiriləcək. Mövsümöncəsi sınaqlar isə fevralın 26-28-də yenidən Bəhreyndə olacaq.
Azərbaycan Qran-prisi sentyabrın 19-21-i aralığında reallaşacaq.
Qeyd edək ki, "Formula 1"də ötən mövsümün qalibi "McLaren" olub. Komanda 2024 mövsümünün yekununda 666 xal toplayıb. "Ferrari" 652 xalla ikinci, "Red Bull" isə 589 xalla üçüncü olub.
